Хаос настана по откривањето на новиот вид на вирусот корона во Велика Британија, кој брзо се шири.
Многу земји низ светот веќе донесоа одлуки во неделата за привремено прекинување на воздушниот сообраќај со оваа островска земја, додека некои земји воведоа задолжително тестирање и карантин за патниците од Велика Британија, што создаде огромна гужва.
Од голема загриженост беше предупредувањето на британскиот министер за здравство Мет Хенкок дека новиот вид на вирус е надвор од контрола, што дојде неколку часа откако премиерот Борис Џонсон објави дека божиќните шопинг и собири на југот на Англија мора да бидат одложени поради појавата на нов вид корона.
Поради заострувањето на мерките со цел спречување на вирусот корона, огромна толпа беше забележана на железничките станици во Лондон за време на викендот, бидејќи граѓаните побрзаа да ја напуштат британската престолнина.
