Вистинска драма попладнево се случува во Струмица каде од Инфективната клиника беше украдено телот на починат човек. Веќе неколку часа телото е исчезнато, а наводно зад кражбата стојат членови од семејството на починатиот. Пред малку Инфомакс пренесе дека е вратен креветот каде лежел човекот, но не и телото.
Повеќе локални медиуми објавија и снимка од масовна тепачка во центарот на Струмица која според неофицијални информации е поврзана со кражбата на телото.
Струмица лајв pic.twitter.com/5379gaTCCb
— Ристо Разбираш (@luck15c) September 21, 2020
Најновите информации велат дека група на околу триесетина луѓе утрово ја скршиле вратата на инфективното одделение во болницата во Струмуица и го земале телото на починат пациент кој бил тестиран за коронавирус.
Пациентот бил примен утрово како сомнителен случај на Ковид-19, веднаш му бил земен брис, но во меѓувреме неговата состојба се влошила и починал.
Резултатите од неговиот тест се уште не се готови.