Познатиот забавен парк на Ферари во Абу Даби ја освои наградата за најдобриот тематски парк во светот.
„The World’s Leadin Theme Park“ е дел од годишниот натпревар „World Travel Award“, а гала вечерта беше изведена во Мукат.
„Четири години по ред, ние сме водечки тематски парк на Блискиот исток. Не можевме да бидеме погорди. Ова е легендарен тематски парк полн со возбуда и содржина. Ние правиме сè што можеме за нашите гости. Горди сме на оваа награда”, рече Бјанка Самут, генерален директор на „Ферари ворлд“ во Абу Даби.
Тематскиот парк на Ферари е создаден пред скоро една деценија за да се испочитува „духот на марката Ферари“.
Сместен е на островот Јас во Абу Даби и е првиот тематски парк на Ферари во светот. Има најбрз ролеркостер во светот.
Паркот беше отворен за јавноста на 4 ноември 2010 година и оттогаш ја доби наградата Средноисточна туристичка атракција во 2015 и 2016 година, како и наградата за водечки тематски парк на Блискиот исток, во 2017 и 2018 година.
