Екипата на Инфомакс будно ги следи случувањата од започнувањето на изборниот молк во неколку градови во земјата. Александар МИтовски од Охрид известува дека кратко по започнувањето на изборниот молк биле забележани незаконски агитации како и поткуп. Полициското присуство, како што информира Митовски, е незначително.
„Пред малку започна изборниот молк во Република Македонија пред локалните избори кои треба да се одржат на 17 октомври, во недела. Во моментов се наоѓаме на терен во Охрид, каде што го следиме изборниот процес и почитувањето на изборниот молк. Од утринава токму тука во Охрид се забележани неколку прекршувања на изборниот процес, но и вечерва на изборниот молк. Во моментов во населбата Охридска бригада откаде што се јавуваме, на неколку дојави за незаконско агитирање и давање поткуп од страна на една политичка партија, а тоа е видливо и тука на терен, има доста екипи, а малку полиција. За повеќе информации, останете со нас“, известува Митовски од Охрид.