Северна Кореја ја прослави 73 -годишнината од своето постоење со ноќна воена парада во главниот град, пишуваат државните медиуми, пренесувајќи фотографии од парадата на учесниците во портокалови заштитни костуми, но без балистички проектили.
Лидерот на државата, Ким Јонг Ун, присуствуваше на настанот на кој армијата и Црвената гарда на работниците и селаните, најголемите сили за цивилна одбрана во земјата, маршираа во Пјонгчанг на плоштадот Ким Ил Сунг од од среда на полноќ, пренесува државната новинска агенција КЦНА.
Родонг Синмун, весникот на владејачката Работничка партија, објави фотографии на луѓе со портокалови заштитни костуми и гасни маски кои маршираат заедно со вооружени војници.
На парадата имаше и традиционално оружје, како што се ракетни фрлачи и противтенковски проектили.
Меѓутоа, медиумите не покажаа ниту споменуваа балистички ракети, а Ким не одржа говор, за разлика од минатиот октомври, кога се пофали со нуклеарните способности на државата и покажа интерконтинентални балистички ракети без преседан.
„Луѓето во редовите за спречување на епидемијата беа полни со патриотски ентузијазам за да ги покажат предностите на социјалистичкиот систем низ целиот свет, и во исто време цврсто да ја заштитат безбедноста на државата и луѓето од светската пандемија“, пишува КЦНА.
Северна Кореја не потврди ниту еден случај на ковид -19 , но ги затвори границите и воведе строги превентивни мерки, прикажувајќи ја пандемијата како прашање на опстанок на нацијата.
Јанг Му Џnин, професор по студии за Северна Кореја во Сеул, тврди дека недостатокот на стратешко оружје и фокусот на јавната безбедност покажува дека Ким се фокусирал на внатрешни прашања како што се „Ковид 19“ и економијата.
„Се чини дека парадата е строго дизајнирана како домашен фестивал чија цел е да промовира национално единство и солидарност на режимот. Немаше нуклеарно оружје и Ким не се осврна на нив, што може да значи дека одлучил да остане настрана и да остави простор за маневрирање во идните разговори со САД и Јужна Кореја“, рече Јанг.
Разговорите за запирање на нуклеарната програма на Северна Кореја се на дневен ред од 2019 година.
Владата на американскиот претседател eо Бајден објави дека ќе бара дипломатски начини за денуклеаризација на Северна Кореја, но не покажа волја да го прифати повикот на Пјонгјанг за ублажување на санкциите.
Заживувањето на меѓукорејските телефонски врски во јули ја врати надежта за враќање на преговорите за денуклеаризација.
Сепак, Северна Кореја престана да одговара на повиците, а Јужна Кореја и САД минатиот месец одржаа годишни воени вежби, за кои Пјонгјанг предупреди дека може да предизвика безбедносна криза.
