Претседателот на ВМРО-ДПМНЕ Христијан Мицкоски денеска на митинг во Сопиште се обрати пред граѓани, истакнувајќи дека гласот за Стево Пендаровски кандидатот за претседател од СДСМ, е всушност глас даден за Зоран Заев бидејќи и самиот Пендаровски изјавил дека е ист како Заев со 102,5 проценти.
-Стево Пендаровски вели дека не ни требала мајка ни требал татко на нацијата. Најмалку што ни треба во овој момент е ваков татко кој што е 102,5 проценти идентичен нели и самиот велеше дека е 102,5 проценти идентичен со најголемиот лaжгo во поновата историја на Република Македонија. Ние го нарековме принцот на политичките лaги Зоран Заев, а овој самиот рече дека бил 102,5 проценти идентичен како Зоран Заев. Најмалку што во овој момент на Македонија и треба еден таков човек.
Мицкоски додаде дека Пендаровски е избран на мафиjaшки начин во скап и луксузен хотел, додека Силјановска Давкова е избрана на демократски начин на Конвенција во Струга со огромно мнозинство од страна на делегатите на ВМРО-ДПМНЕ.
-Зошто он вели дека е 102, 5 проценти е ист како Зоран Заев, затоа што на дecпотски начин во мафиjaшки стил во еден скап и луксузен скопски хотел беше назначен од страна на Зоран Заев. За разлика од него ВМРО-ДПМНЕ имаше внатре партиска дебата деветмина кандидати се пријавија, делегатите на Конвенцијата во Струга во огромно мнозинство својот глас го дадоа за идниот претседател а тоа е проф. д-р Гордана Силјановска Давкова и тоа претставува пример на една внатрепартиска демократска дебата, кажа Мицкоски.
Според него, ВМРО-ДПМНЕ и Коалицијата за Подобра Македонија е најголемата коалиција во поновата историја на Македонија бидејќи коалицираат со народот, потенцирајќи дека оној кој не направил коалиција со народот нема да ја добие неговата поддршка и гласот, а во овој случај тоа е Пендаровски, Заев и СДСМ.
-И они ќе речат дека ја имале најголемата коалиција во поновата историја во Република Македонија, но повторно лaжaт, затоа што најголемата коалиција во поновата историја на Република Македонија е ВМРО-ДПМНЕ, Коалицијата за Подобра Македонија и народот, тој кој што не направил коалиција со народот ниту смее, а ниту пак ќе го добие гласот и поддршката од народот за неговиот кандидат во случајот Стево Пендаровски, нагласи Мицкоски.
