Ураганот Нејт стигна до американската сојузна држава Луизијана, соопшти Американскиот национален центар за урагани (НХЦ).
Ураганот, кој со себе носи ветер со брзина од 137 километри на час, се движи кон север и се очекува во текот на денот да го погоди и Мисисипи.
Во сојузните држави Луизијана, Мисисипи, Алабама и делови од Флорида веќе е издадено предупредување за ураган и наредена е итна евакуација на населението.
Ураганот Нејт во Никарагва, Костарика и Хондурас веќе однесе 25 животи. Нејт од тропска бура прерасна во ураган од прва категорија, на скалата од 1 до 5.
Се очекува ураганот Нејт, иако ја нема силата на ураганите Марија и Ирма кои минатиот месец ги опустошија Карибските Острови и делови од САД, да донесе силен ветер и поројни дождови.
Големите пристаништа во централниот дел на Мексиканскиот залив се затворени за сообраќај.
Американската крајбежна стража нареди затворање и на пристаништата во Њу Орлеанс, Паскагула во Мисисипи, Мобил во Алабама и Пенсаколи и Панама на Флорида.
