Случајот со исчезнувањето на дваесет и шестгодишниот Пинета Секондо- Пино веќе речиси три месеци ја бранува македонската јавност. Поради незадоволството од одноносот на институциите, а пред се односот на МВР, неговата мајка Маја Трпковска веќе трет пат протестира пред Собранието и апелира на поголема ажурност на и институциите.
Во разговор со нас, неговата мајка ни раскажа некој од деталите за случајот и што е многу сомнително начинот на кој што се менувале инспекторите и надлежните за овој случај. Последниот инспектор кој го водеше случајот замина во пензија, а претходно уште еден инспектор и еден началник биле надлежни за случајот. Мајката на Пино е најзадоволна од началникот кој го водел случајот кој според неа бил нај посветен на пронаоѓањето на Пино, но по определен период поради непознати причини се откажал од случајот и повеќе не одговорал на повиците на Трпковска.
Според изјавата на неговата мајка, Пино заминал да се види со својата девојка по што мистериозно исчезнал, последната фотографија од неговото возило е од Ѓорче, а неговите телефони за последен пат биле лоцирани во близина на Арачиново.
Маја Трпковска се заблагодари до јавноста и граѓаните кои и даваат безрезервна поддршка во овие тешки моменти со кои таа се соочува.
