Невремето што синоќа ја зафати Црна Гора предизвика огромни штети во автокампот „Бова“ во Шупа во Тиват, а три лица се полесно повредени. Силен ветер, дожд и град што одеднаш го преплавија Тиват, искорнаа големи дрвја и кршеа гранки на дрвја, пренесува Вијести.
Паднатите дрвја уништија три камп приколки во Бова и оштетија автомобили.
Водоводните и електричните инсталации се оштетени, па кампот остана без електрична енергија и вода.
Сопственикот на кампот Ненад Вуковиќ ја повреди раката додека се обидуваше да им помогне на своите гости.
За среќа, сите навреме беа евакуирани во блиската куќа на семејството Вуковиќ, па само двајца чешки туристи претрпеа полесни повреди.
Снимките од социјалните мрежи покажуваат дека многу улици во Будва биле под вода, а имало и автомобили кои останале заглавени во водата.
Слична беше ситуацијата и на улиците во Подгорица.
