Тоалетна хартија веќе не е проблем, барем така е во Шпанија. Маркетите во оваа држава се полни со тоалетна хартија, а наместо тоа, Шпанците хистерично купуваат вино, пиво, маслинки, чипс и чоколадо.
Ова го покажуваат податоците на пазарот во време кога цела Шпанија е во изолација од 15 март.
Шпанците купиле 80 проценти повеќе пиво и 60 проценти повеќе вино во текот на изминатата недела од претходната недела, се вели во извештајот на Инфоритаил.
Маслините се чини дека се уште попопуларни, при што продажбата скокна за 94 проценти.
Чипсот и чоколадото како и сладолед исто така исчезнуваат од полиците и нивната продажба се зголеми од 76 на 87 проценти.
Шпанците кои вообичаено се дружат во кафулиња, барови и други места на отворено, сега ги направија своите домови во барови, пренесува шпанскиот весник „Ел Паис“.
Психологот Олга Кастаниер ги припишува овие промени на вознемиреност предизвикана од пандемијата и новите ограничувања на движење.
„Кога сте стресни, не јадете стек. Во таква ситуација, телото копнее по шеќери и маснотии “, изјави таа за Ел Паис.
Таа признава дека често се гледа со пријатели на Скајп за да има друштво за пиво.
