Полициските сили се на готовс во пресрет на најавениот протест против пресудата на осудените кои добија доживотен затвор за петкратното убиство кај Смилковско Езеро. МВР најави дека ќе бидат преземени и соодветни мерки за заштита на граѓани и имот доколку јавниот ред биде нарушен.
Како што вчера беше најавено, протест ќе започне во парк Чаир на бул. „Христијан Тодоровски Карпош”, а ќе продолжи кон Основен суд Скопје 1 на бул. „Гоце Делчев”, Собрание на Република Северна Македонија на ул. „11-ти Октомври” и Влада на Република Северна Македонија на бул. „Илинден”. Поради тоа, затворени за сообраќај од 13 часот до завршување на протестот, ќе бидат следните улици:
– ул.„Х.Т.Карпош”,ул. „Џон Кенеди”, ул. „Цветан Димов”, бул. „Крсте Мисирков”, бул. „ Гоце Делчев”, ул. ,,11-ти Октомври”, ул. „Васил Главинов”, бул.„ ВМРО”, бул. „Илинден” и други околни сообраќајници.
СВР Скопје упати алел до граѓаните да ги почитуваат наредбите што ги издаваат полициските службеници.