Изборниот штаб на Доналд Трамп покрена веб-страница, на која има упатства за неговите приврзаници како да ги поразат либералните пријатели и членови на семејството и други „снегулки“ во дебата.
„Снегулка“ е термин кој американските десничари го користат за да ги означат луѓето кои се лево ориентирани на политичкиот спектар.
„Мојот тим отвори нова веб-страница, чија цел е да им помогне на моите поддржувачи да победат во дебата со либерални пријатели, членови на семејството и други ‘снегулки’ со кои ќе се сретнат за време на празниците. Проверете ја“, напиша Трамп на „Фејсбук“.
Поддржувачите на Трамп на страницата наречена „Победа над снегулката“ (Snowflakevictory) можат да најдат аргументи за поддршка на американскиот претседател и против неговите демократски ривали.
