Во модуларната болница на Клиниката за инфективни болести и фебрилни состојби почна вакцинацијата против коронавирус. Денеска е предвидено да бидат вакцинирани 260 здравствени работници.
Видео линкот може да го погледнете ТУКА.
Како што претходно најави Министерството за здравство, прв ќе се вакцинира медицинскиот персонал што работи на Инфективната клиника во Скопје. Пунктот во модуларната болница, каде што има шест вакцинални позиции, ќе работи во две смени, од 8 до 20 часот, а вакцинацијата ќе ја спроведуваат медицински тимови од Здравствниот дом Скопје.
Според утврдениот план, термините за вакцинирање ќе бидат на 10 минути.
На секој здравствен работник што ќе прими вакцина веднаш ќе му биде резервирана втора доза за ревакцинација.
Викендов во нашата земја о Србија пристигнаа 4.680 дози вакцини од производителот „Фајзер“. Со оваа пратка вакцини имунизацијата ќе се спроведува само во модуларната болница во Скопје.
