(Видео) САШКО КОЦЕВ ЛЕГЕНДАРЕН НА ЗЛАТНА БУБА МАРА И ОВАА ГОДИНА: Премиерот ми се јави!

Поврзано

- Advertisement -
- Advertisement -

Оваа година беше најтешко за картите на Златна Бубамара. Не знам кого ќе соберат, има ли пресуда, ќе го однесат ли, ќе излезе ли, ќе дојде, нема ли да дојде, таму ли е, на капија ќе ги дадат картите. Ние кога даваме карти анамнеза му даваме. Да не има случајно некоја швалерка, може ќе дојде да го соберат од сред Бубамара.

А бе за главниот на државата, за премиерот немаше карти. Ми се јавува: Ало дека си бе Саше. Зашто ми се јавувате господине. За карти вели премиерот. Немојте да ми кажете дека ви фалат 81 карта. Не, не обезбедени се, 8 ми фалат, вели Сашко Коцев и при што ја насмеа публиката на Златна Бубамара.

За да не ви раскажуваме, погледнете го легендарниот и неповторлив Сашко Коцев на Златна Бубамара.

https://www.youtube.com/watch?v=k3i0Pmoh_zA

На 21.02 се одржа 22-рото издание на манифестацијата Златна Бубамара на Популарноста. Шлагот од македонскиот јавен живот беше собран во салата Борис Трајковски.

Еуфорија, третирање на општествените проблеми низ призмата на хуморот и награди на најдобрите во изминатата година на чело со владетелот на сцената Сашко Коцев беше сервирано пред преполната сала.

Награда за спортски подвиг на годината доби младиот маратонец, 12-годишниот Марко Пејчиноски. Марко е новиот херој на охридското маратонско пливање, кој минатата година во екстремно неповолни услови, со силен ветер и бранови, го преплива Охридското Езеро, од Свети Наум до градското пристаниште.

Награда за најпопуларен фото-модел доби Вера Мештеровиќ, првата мис на Македонија, која се појавува на спотот за новата песна „Нешто ме гони“ на српската група „Галија“.

Бубамара за спортска легенда доби кошаркарот Перо Антиќ, и тоа легенда не само на изминатата година, туку на многу години наназад. Тој се простува од професионалното играње кошарка.

Златна Бубамара за најпопуларен регионален хит доби гостинот од Хрватска Петар Грашо за песната „Ако те питају“. Со оваа песна Грашо веќе ја освои и хрватската награда „Цесарица“ за хит на 2018.

Во фуриозно темпо, со поддршка на хорот на КУД „Танец“, со Дамир – бенд, со зурли и тапани и со Јан Стефановски, синот на Влатко на тапани, Влатко Стефановски ја изведе „Учи ме мајко, карај ме“, која заврши со громогласен и долготраен аплауз, од кој долго оддекнуваше ВИП-арената.

На сцената и годинава се појавија Атанас Атанасовски и Валентин Костадиновски -Тино од тимот на театарот „Комедија“, познати и признати и по вонтеатарски стенд-ап ангажмани, и доделија награди во четири категории.

ТВ-сатирична емисија на годината е Фчерашни Новости.

Млад актер на годината е Дритон Вејсели, кој го игра рецепционерот Талат во „Преспав“.

Атмосферата во салата, и онака добро загреана, експлодираше со настапот на блех-оркестарот на Џамбо Агушев. Каде е Џамбо, таму е и високоадреналинската забава. Поради тоа ненапишано правило, оркестарот Агушеви доби Златна Бубамара за најпопуларен блех-оркестар.

Златната Бубамара на популарноста за трајни музички вредности ја доби Бора Ѓорѓевиќ, фронтменот на една од најпознатите српски и југословенски рок-групи „Рибља чорба“. Оспоруван и обожаван, политички контроверзен и музички супериоререн, Бора Чорба е една од најголемите ѕвезди на екс-ју сцената и автор на некои од најубавите и најиронични песни во обемната ју-рок антологија.

Златната Бубамара за група на годината е доделена на Нокаут.

Latest News

Богата агенда:Со кого ќе се сретнат денес Ковачевски и Османи во Софија?

Владата ја објави денешната агенда на Премиерот Ковачевски, министерот за надворешни работи, Бујар Османи и останатиот владин состав. "Вечерва заврши...

More Articles Like This