Министерството за внатрешни молчи за видеото кое вицепремиерот за евроинтеграции, Бујар Османи го објави на својот ФБ профил, на кое се гледа како, додека проверува дали се спроведува двојазичност во државата, управувајќи со возило зборува на мобилен телефон. Алфа упати прашање до МВР, дали за Османи законите ќе важат како и за сите граѓани во државата…
„Вицепремиерот за евроинтеграции, Бујар Османи, неодамна на својот ФБ профил објави видео, на кое се гледа како зборува на мобилен телефон додека управува со возило. Дали за ова дело ќе следи пpeкршочна приjaва, како што предвидува законот?“, прашавме во МВР.
До почетокот на овие вести, не добивме одговор.
Инаку, самото возило, марка „Шкода“ кое го упpaвува вицепремиерот е донација од ЕУ, наменето стpиkтно за спроведување на проекти од Брисел, а двојазичноста не е еден од нив. За коментар, директно ја прашавме делегацијата на ЕУ во земјава…
„Вицепремиерот за евроинтеграции, Бујар Османи, неодамна објави видео на својот ФБ профил, на кое се гледа како, додека проверува дали се спроведува двојазичноста во државата, управува возило Шкода, кое е донација од ваш проект и наменето исклучиво за мониторинг на ЕУ проекти. Двојазичноста не е проект на ЕУ. Каков е вашиот коментар за оваа случка?“, ја прашавме делегацијата на ЕУ во земјава.
Но, ни од таму нема одговор до овие вести.
Во меѓувреме, додека целата македонска јавност го чека 15 октомври да види дали Брисел конечно ќе даде зелено светло за старт на преговорите, се чини дека евроинтеграциите не се приоритет за вицепремиерот задолжен за нивно спроведување, затоа што двојазичноста, не е меѓу препораките од Унијата.
Инаку, ова не е прв пат Османи да биде „уловен“ како прави сообраќаен пpeкршок. На 30 мај, некои медиуми објавија снимка од возило за кое тврдат дека го управува вицепремиерот, како поминува на црвено на клучката кај Момин Поток. За овој прекршок, освен паричната kaзна, се предвидува и одзemање на возачката дозвола.
Инаку видеото Османи го објави на својот ФБ профил. Во автомобилот се вози заедно со директорот на Агенцијата за спроведување на двојазичноста, Илбер Села и целото е само на Албански јазик, со исклучок на една секвенца кога вицепремиерот зборува со Македонец од извесна институција. Дали е ова мултиетничност на дело кога едно видео што треба да има улога на промоција е наменето само за одредена публика која разбира албански? Што е со граѓаните што зборуваат Македонски, Турски, Ромски, Влашки и останати јазици?
