- Advertisement -
- Advertisement -
Училишна зграда во белгискиот град Антверпен се сруши за време на градежните работи, а во несреќата загинаа пет лица, а девет беа повредени, соопштија денеска локалните власти.
По уривањето на зградата, пожарникарите и полицијата излегоа на лице место со специјално обучени кучиња, кои трагаа по преживеаните и ги извлекоа од урнатините, пренесува АП.
Од деветте повредени, тројца се на интензивна нега, петмина се хоспитализирани, а едно лице по прегледот е пуштено дома, соопшти противпожарната единица.
Денес на местото на несреќата пристигнаа белгискиот крал Филип и премиерот на Белгија Александар де Кроа.
Медиумите објавија дека меѓу работниците имало и странски државјани од Португалија, Романија и Украина, јави Танјуг.
