Бугарските медиуми објавија видео од спасувачката акција на планината Пирин во Бугарија, каде петмина македонски скијачи и сноубордери кои скијале надвор од обележаните патеки паднале во дол.
Македонските скијачи, според службата, се добри, во добра здравствена состојба, неповредени и веќе се пренесени во хотелите во Банско, каде што биле сместени.
Сигналот за помош стигнал до Горската спасувачка служба во Банско, и во 20 часот по локално време десет спасувачи ја почнале акцијата за извлекување на петтемина Македонци.