Снежана Захариева, директор на Кумановската Болница, заедно со Светлана Спасовска, началник на Одделение за анестезија, реанимација и интензивно лекување, од понеделникот се Италија. Прашањето е дали министерството ги испратило во жариштето на коронавирусот во Европа или се отидени со приватен аранжман со оглед на препорката на министерството во Италија да не се патува.
Токму ова прашање денеска го постави екипата на Инфомакс на вонредната пресконференција на министерот за здравство Венко Филипче по повод првиот случај на корона во Македонија.
-Во однос на патувањата, ние дадовме препорака не можеме никого да запреме освен организираните екскурзии од страна на државните институции кои што се откажани. Се уште важи апелот да не се патува во овие критични региони со оглед на ризиците кои што се уште постојат освен ако нема некоја потреба за сите патници важат истите правила. Скринингот, контролата, доколку имаат симптоми, доколку немаат симптоми се постапува според алгоритмот кога луѓето ќе се јават на било кој граничен премин, вели Филипче.
