Четврта вечер по ред во Холандија се одржаа протести против мерките за карантин, додека излозите на некои продавници беа забарикадирани, а нивните вработени порано беа испратени дома заради безбедност, пренесува Ројтерс.
Властите ги повикаа родителите да ги чуваат своите тинејџерски деца во домови, предупредувајќи дека може да завршат со кривично досие и дека можат да добијат огромни казни за уништување автомобили, продавници и јавен имот.
#Netherland #Nederland #Amsterdam#lockdown pic.twitter.com/iJyI9Hc1iE
— mohammadalhwedi (@m_alhwedi) January 26, 2021
Во повеќе од десет градови беше повикана полицијата да ги сузбие немирите, а во многу од нив беа издадени наредби за итни случаи, кои на полицајците им даваат поголеми овластувања да вршат претреси, пренесува Танјуг.
„Имавме протести во минатото, но ретко се одржуваа неколку ноќи по ред во градовите низ целата земја“, рече портпарол на националната полиција. Таа објасни дека тие не се одржуваат само во области за кои се знае дека се проблематични, туку се многу пораспространети.
Eine Gruppe Ultras in der Stadt #Maastricht, läuft aktuell durch die Straßen. Nach Berichten trifft man sich um die Ausschreitungen zu unterbinden, was die Polizei nicht schafft.#AvondklokProtest #Avondklok #Niederlande #Netherlands #Rellen pic.twitter.com/X2JF1bRgU1
— BlxckMosquito (@BlxckMosquito) January 26, 2021
Холандската полиција синоќа уапси повеќе од 180 лица кога групи демонстранти започнаа да палат оган, фрлаат камења и ограбуваат продавници во повеќе градови. Досега се уапсени над 470 лица , најголемиот дел од агресијата беше насочена кон припадници на агенциите за спроведување на законот, а полицијата користеше водени топови во повеќе градови.
Болница во Ротердам ги предупреди роднините и пријателите на пациентите да не доаѓаат, откако демонстрантите ги нападнаа болниците во повеќе градови во текот на претходните денови. Десет полицајци се повредени синоќа во Ротердаm.
Netherland bajo el toque de queda, sufre otra noche violenta por protestas encontrá de las medidas de contingencia sanitaria. Países Bajos, Holanda. #Netherland #PaísesBajos #Holanda #protests https://t.co/yZ0McbfIt2 pic.twitter.com/FKIj2MiSxj
— Alonso González (@alonsocdmx1) January 26, 2021
Во саботата во Холандија стапи на сила полицискиот час , прв по Втората светска војна, и покрај фактот дека бројот на новозаболени се намалува со недели, откако Националниот институт за здравство соопшти дека новиот вид откриен во Велика Британија претставува третина од новите случаи.
Училиштата и продавниците кои не продаваат неопходни намирници беа затворени во средината на декември, а кафулињата и рестораните два месеци пред тоа.