Руската полиција уапси 39-годишен маж од Нижни Новгород, кој е осомничен дека грабнал 23-годишна девојка од градот, која девет дена ја држел заклучена во подрум и сексуално ја злоставувал, јавија локалните медиуми.
Полицијата се сомнева дека грабнувачот се запознал со жртвата преку веб-страница за контакти, по што ја киднапирал и ја заклучил во подрумот.
Жртвата им изјавила на полицајците дека мажот ѝ се заканил со нож кога првпат се сретнале и ја одвел во подрумот, по што започнало деветдневното измачување.
„Жртвата е пронајдена благодарение на добро изведената истражувачка работа“, соопштија властите, без да наведат детали.
Според руските закони, на киднаперот му се закануваат до 30 години затвор за грозоморното злосторство.