Преспав — македонска хит-ком серија во режија на Игор Иванов Изи. Серијата ја прикажува семејната приказна на браќата Бузалевски, кои отвораат пансион во преспанскиот регион, благодарение на средствата добиени од ЕУ фондови. Пансионот „Преспав“ е метафора на реалните општествени случувања во Република Македонија во кои се прекршува балканскиот менталитет, од кој ликовите не можат да избегаат и желбата да се почитуваат и да се воспостават европските стандарди.
Ваквата ситуација ги става ликовите во постојан конфликт и недоразбирање од кои произлегуваат комични ситуации во кои ќе можат да се препознаат и самите гледачи. Секоја епизода има нова тема, нов проблем, нов конфликт, нова разрешница и многу доживувања и смеа.
Човекот кој ги обедини сите во Македонија пред телевизиските екрани е харизматичниот рецепционер Талат од пансионот Преспав. Актер кој со самата своја појава предизвикува насмевка кај гледачите. Неговото име надвор од серијата е Дритон Вејсели, човек кој има огромна љубов кон театарот, филмот и музиката.
Талат успеа да не насмее во многу моменти, но нашиот избор се сведе на третиот дел од најсмешните моменти објавени на Youtube.
Еве ги најсмешните момента на Талат од „Преспав“:
