Руското министерство за одбрана (МО) објави видео во кое се прикажува успешен тест на нова хиперсонична ракета.
“Ракетата Циркон успешно ја погоди целта во Белото Море со директен удар на растојание од над 350 километри. Тестот ги потврди тактичките и техничките перформанси на ракетата, а ракетата леташе со брзина од 7 Мах”, велат од руското министерство за одбрана.
Лансирањето беше спроведено од фрегата од класа Адмирал Горшков, лоцирана во Белото Море на северозападниот брег на Русија. Ракетата наводно погодила копнена цел на 350 километри на брегот на Баренцовото Море.
Рускиот претседател Владимир Путин изјави дека ракетата Циркон може да се движи со брзина од 9 Мах, или околу 6.900 км / ч на растојание од 1.000 километри.
Путин го опиша лансирањата како „голем настан не само за руските вооружени сили, туку и за цела Русија“.
Наспроти позадината на зголемените тензии меѓу НАТО и Русија, Москва е во процес на распоредување на бројни хиперсонични ракети кои што Путин ги смета за „непобедливи“ бидејќи во моментов не постои систем за противвоздушна одбрана кој може да ги собори.
Само Русија и Кина имаат во своите залихи хиперсонично оружје, додека САД продолжуваат да ја губат воената надмоќ на ова поле.
Рускиот МО објави видео од лансирањето.
Видеото можете да го погледнете тука.
