Мексиканската боксерка Џанет Закаријас Запата почина откако беше во критична состојба пет дена по нокаутот што го доби за време на натпреварот во Канада.
Shockingly sad news to hear of the passing of
Jeanette Zacarias Zapata RIP, died at the tender age of 18 following a boxing match. Deepest sympathies to her family 🙏 pic.twitter.com/CbUGIjhAZE— Barry McGuigan (@ClonesCyclone) September 3, 2021
Запата беше нокаутирана од Мари-Пјер Хал на мечот одржан во Монтреал, со што и зададе серија удари по ред.
Судијата ја прекина борбата во четвртата рунда откако виде дека Запата не може да одговори на ударите на противникот, како мерка на претпазливост, но подоцна се покажа дека станува збор за сериозна повреда.
Хал тргна да ја прослави победата, но набргу престана кога виде дека нејзината 18-годишна противничка е во сериозни проблеми.
Запата се онесвести и веднаш беше префрлена во болница, каде што лекарите ја опишаа нејзината состојба како критична, но стабилна.
Сепак, Запата не издржа и спортскиот свет го погоди голема трагедија.
По трагичната вест, се огласи и Мари-Пјер Хал, која беше во рингот со 18-годишната Мексиканка.
„Целосно сум уништена, немам зборови да ја опишам болката што ја чувствувам. Изразувам искрено и длабоко сочувство до нејзиното семејство и нејзиниот сопруг“, напиша Мари-Пјер Хал, по трагичната вест.