Екипата на Инфомакс киднапирана откако налета на отворен штаб во Кочани во кој се правеа списоции и се агитираше за време на изборниот молк.
Лицата кои беа во штабот вербално ја нападнаа нашата екипа и се обидоа да и забранат да снима, повторувајќи дека никој нема право да ги снима. Откако новинарите, и покрај вербалните напади продолжија да си ја вршат работата, им беше блокиран патот со автомобил и не ги пуштаа да заминат. Дури и се заканија дека ќе повикаат полиција. Едно лице ја отвори вратата на автомобилот и продолжи со вербалните напади.
Тензиите продолжија некое време, се додека не беше исклучена камерата на Инфомакс.
Отворени штабови, собирање списоци, поткуп, агитирање и закани се регистрани во неколку општини во земјата во кои се одржува втор круг од гласањето за локалните избори.
