Му покажуваат ли непослушност министрите во Владата на Заев па контра неговите ставови бараат предвремени парламентарни избори заедно со претседателските? Високи партиски извори од Бихаќка за Алфа брифираат дека крилото на Шеќеринска инсистира на избори со цел цехот од лошите политики да падне врз грбот на Заев. Дека работите не се движат во добра насока индиректно потврди и денеска. Важно било планираното да се заврши во следните недели, за да се соочат на било кои избори.
Додека Заев се уште тактизира и се обидува да избега од уште едно соочување со народот на кое го предизвика опозицијата по експресното гласање на уставните измени и објавувањето за законот за јазици и оној за Ратификација на Договорот од Нивици, Десковска, Манчевски јавно изјавија дека нови избори се неопходни.
За актуелната министерка за правда парламентарни заедно со претседателските избори се опција со која ќе можат да се заземат почисти позиции за политиките кои ги промовираат.
И подпретседателот на СДСМ, Дамјан Манчевски изјави дека избори секако ќе има и дека не мисли оти предвремени парламентарни избори ќе имаат преголемо влијание на реформските процеси..
Засега единствено на страна на Заев останува вицепремиерот Анѓушев, кој вели дека ако има уште едни избори на пролет, економијата ќе трпи големи последици. Ниту шефот на Дипломатијата не е на чисто на тема избори. Иако јасно не ја отфрли опцијата да се кандидира за претседател на државата, вели важно било сега да се работи на профилот на претседателски кандидат за што допрва ќе почнеле партиски консултации.
Но Заев не го притискаат само сопартијците, треба да одговори и на барањата на коалиционите партнери ДУИ кои секој момент го користат да ја оживеат идејата за консензуален претседател. За вицепремиерот Осамни изборите не се добра избор бидејќи ги доведуваат во прашање интегративните процеси. Своевремено во јавноста се шпекулираше дека токму Заев е заедничкото решение, но тој веќе неколкупати ја отфрли можноста да биде претседателски кандидат.
Нашите извори велат дека веќе следната недела по враѓањето на Заев од скијање да биде донесена и конечна одлука. Опозицијата пак не отстапува од барањето на предвремени парламентарни избори, велат тоа е единствениот механизам со кој ќе биде исправена неправдата која актуелната власта му ја нанесе на народот.
Ивана Соколовиќ Најдова
