Најмалку три лица го загубија животот на аеродромот во Кабул откако илјадници цивили влетаа на пистата обидувајќи се да се качат на авион бегајќи од Талибанците во Авганистан. Американските сили кои обезбедуваат дел од аеродромот каде се стационирани американски летала отвориле оган со цел да ја разбијат толпата која се наоѓала на пистата.
Од снимките објавени на социјалните мрежи може да се видат хаотичните сцени на интернационалниот аеродром во Кабул, од луѓе кои се обидуваат по секоја цена да фатат авион со кој ќе можат да ја напуштат земјата.
#Breaking: At least three people have been killed by gunfire at Kabul airport.
Heavy gunfight going on. pic.twitter.com/yxfVnwbMFn
— Ahmer Khan (@ahmermkhan) August 16, 2021
Американски сили се испратени на аеродромот за да помогнат во евакуацијата на дипломатскиот персонал и странски државјани стационирани во Авганистанската претстолнина. Странците сепак, имаат проблеми во обидите да го напуштат Кабул, кој беше завземен од Талибанците во неделата.
