Како што е соопштено, од Виена очекуваат испорака на руските вакцини, штом бидат одобрени од страна на Европската агенција за лекови.
Според пишувањата на медиумите засега е нејасно дали веќе е поднесено барање до агенцијата за одобрување на „Спутник V“ векцините.
Додека Кремљ тврди дека е предадено такво барање, во Европската агенција за лекови нема постапка за одобрување на вакцината.
Курц на почеток на месецот нагласи дека дискусијата околу вакцините мора да биде водена без геополитички ограничувања.
Тој истакнал дека Австрија, по одобрувањето, со сигурност ќе се залага за ставање на располагање на производните капацитети во земјата за производство на руски или кинески вакцини.
„Polymun Scientific“ од Клостернојбург веќе сега призведува компоненти за вакцината „Фајзер-Бионтек“, а во иднина овој погон би можел да има улога во производството на вакцината на „Астра Зенека“, но и „Спутник V“.