Возот кој за прв пат по 18 години тргнува од Белград за Косовска Митровица без проблеми пристигнал до Рашка и таму е заглавен во последните два часа, јавуваат медиумите. На Јариње било засилено присуството на полиција поради возот, а во меѓувреме се одржува итна седница на Бирото за координација на службите на безбедност, по што се очекува обраќање на српскиот премиер
Претходно на порталите во Косово беше објавена снимка на која се гледа како непознати лица поставуваат нагазни мини на шините со експлозив наменет за возот кој од Белград тргна кон Косовска Митровица, поради што полицијата извршила контрола на целата должина на пругата.
Специјалците направиле провека на 40 километри од пругата.
Возот кој по 18 години тргна од Белград за Косовска Митровица е руска дизел композиција, брендирана со Српското знаме, а по целата должина е испишано „Косово е Србија“. Ова предизвика силна реација кај Косовските власти, а разни криминално-терористички банди се заканија дека ќе го кренат во воздух.
