„Нормална е реакцијата за таков влез во Собранието. Мислам дека секој Македонец треба да си ги заштити унитарноста, јазикот и националноста. Секој Македонец треба да реагира како што реагираме ние, но се случи немил настан, се случи тепање на пратеници и јас не го оправдувам тоа. Целта беше да се прекине седницата. Не знам, едноставно се случи и тоа е. Јас кога пристигнав во парламентот, веќе имаше многу луѓе влезени внатре. Јас влегов во големата сала кај што беа сите пратеници. Ако било организирано, ќе ми рекол некој да одам во прес-центарот каде што се случија инцидентите“, вели Горан Ангелов – претседател на МПЗ „Андон Лазов Јанев – Ќосето“ за порталот Макфакс, додавајќи дека одговорноста е кај пратениците и политичарите.
Тој негира било каква поврзаност или координација со Митко Чавков како што обвинуваа про-владините портали. Освен ова, тој ја открива и вистината за лагите на СДС за тоа дека народот бил организиран од ВМРО-ДПМНЕ, бидејќи самите пратеници на ВМРО-ДПМНЕ биле изненадени од случката.
Ангелов додава и дека најнемилите настани се случиле кога полицаецот на Зоран Заев пукал во народот, што предизвикало жестока реакција од пристуните граѓани.
Извор:
Макфакс
