Седницата за коронавирус во Британија доби сосема нова димензија, кога главниот лекар и премиерот беа вовлечени во разговор за Ники Минаж и нејзините тврдења за отечени тестиси по вакцинацијата.
Премиерот Борис Џонсон и неговиот главен лекар Крис Вајти се вмешани во дебата за светската рап суперѕвезда, откако таа им откри на своите следбеници на Твитер, кои бројат 22,6 милиони, дека се уште не е вакцинирана.
„Вакцината беше услов за присуство на гламурозниот моден настан во Њујорк оваа недела Мет Гала“, рече таа, додавајќи дека прави сопствено истражување за вакцината.
Минаж потоа ја сподели приказната за братучед во Тринидад, кој одбил да се вакцинира бидејќи неговиот пријател ја примил вакцината и наводно станал импотентен и неговите тестиси отекле.
Вајти, лицето на британскиот одговор на коронавирусот, не го прескокна прашањето за нејзините тврдења на споменатата средба, пренесува „Индипендент“.
„Се вртат бројни митови, од кои некои се очигледно смешни“, рече тој за новинарите, додавајќи.
„Некои се јасно дизајнирани само за да плашат. Тоа е едно од нив “.
Наместо тоа, тој рече дека е охрабрен што повеќето луѓе ги игнорираат митовите и се вакцинираат, осудувајќи го секој што свесно шири невистини.
„Според мое мислење, таа треба да се срами“, додаде тој.
Од друга страна, Џонсон изјави дека не е толку запознаен со постапките на Ники Минаж како што веројатно треба да биде запознаен. Тој посочи дека претпочита да слуша „друга жена со исто име, суперrѕвезда од општа пракса“ Ники Канани, која интензивно е вклучена во владината кампања за вакцинација.
Минаж подоцна му испрати гласовна порака на Џонсон со англиски акцент, тврдејќи дека е родена во Британија и отишла на колеџ со Маргарет Тачер.
Министерот за здравство Саџид Џавид во средата рече дека не сака да им даде важност на коментарите и ги повика јавните личности да бидат одговорни во нивните коментари.
🇬🇧 🇬🇧🇬🇧🇬🇧🇬🇧🇬🇧🇬🇧 send this to the prime minister & let him know they lied on me. I forgive him. No one else. Only him. 🙃 pic.twitter.com/ZmJ2sST8Es
— Nicki Minaj (@NICKIMINAJ) September 14, 2021
Објавата погледнете ја тука.
