Направете супер вкусен ручек со компир и спанаќ.
СОСТОЈКИ:
1 кг. компири, 250 гр. спанаќ, 1 кромид, 2 чешни лук, 100 гр. пармезан, 50 гр. путер, 40 гр. брашно, 500 мл. млеко.
ПОДГОТОВКА:
Се сече ситно кромидот и се пржи на масло.
Се чисти и мие спанаќот, се става 5 минути во врела вода и се цеди, се сече крупно и се додава на кромидот кој омекнал.
Се лупи и сече компирот на тенки кришки, се става сол и бибер и се реди на намастена тепсија.
Се става горе спанаќ и пармезан рендан.
Тоа се прави додека има фил и компири.
Се пржи путер со брашно, се става млеко и се вари да се згусне бешамел сосот, па се става врз последниот ред компири.
Се пече на загреана рерна на 180 степени 20 минути.
Добар апетит!