Целосно ќе се укине забраната за продажба на алкохол во вечерните часови. Со новото законско решение што го предлага Владата, алкохолот ќе може да се купува во секое време, но нема да се продава на бензиските пумпи, како што првично се шпекулираше.
Дали ќе го има и на киосците, зависи од интересот на трговците кои може да интервенираат во предложениот текст. Овие предложени измени може да претрпат дополнителни измени, сè додека Законот не влезе во финална владина процедура. За трговците остануваат задолжителните лиценци.
Министерот за економија, Крешник Бектеши, додаде дека тој лично не се согласува со одредбата за забрана на продажба на алкохолни пијалаци на бензински пумпи и дека Законот може да се дополнува со амандмани од страна на пратениците.
