ВЛАДИКАТА ПЕТАР ЗА ПРИЗНАВАЊЕТО НА МПЦ: Официјалното признавање на МПЦ е само преку Цариградската патријаршија

Поврзано

- Advertisement -
- Advertisement -

Во очекување сме на одговор од вселенската Патријаршија и од Вселенскиот Патријарх на писмото што го испрати МПЦ и тоа ќе биде, најверојатно, кога ќе се создадат можностите приликите за да започнат официјални преговори. Официјалното признавање на МПЦ е само преку Цариградската патријаршија, изјави владиката Петар денеска во Прилеп, кој чиноначалствуваше со богослужбата во прилепската црквата „Свето Благовештение“.

Досега имаше неофицијални, но очекуваме известување за да започнат официјалните разговори. Признавањетона автокефалноста на МПЦ е преку Цариград. А признавањето од една, две или три Цркви е една работа. Се додека Цариградската патријаршија, или цариградскиот Патријарх не потпише томус за признавање на автокефалност, не би можело да биде прифатено признавањето афтокефалност на која било црква, објаснува владиката Петар.

Политичките доближувања со соседните држави може да придонесат за признавањето на МПЦ. Што се однесува до заедничкото патување во Ерусалим помеѓу архиереите на МПЦ и на БПЦ, тоа е формалност, зашто секој архиереј ќе го прими благодатниот oгaн за својата Црква.

Ние повеќе години го примаме благодатниот оган од Ерусалим, но годинава нашиот блажен Архиепископ одлучи да испрати наш архиереј во Ерусалим. Се разбира дека ќе има и архиереј на Бугарската православна црква и заедно ќе бидат во Ерусалим и секој архиереј ќе си го донесе за својата црква благодатниот оган. Разликата е што овој пат архиереите на двете цркви, на МПЦ и на БПЦ ќе патуваат заедно, со авион, најверојатно на владата на Бугарија, рече владиката Петар.

Latest News

Богата агенда:Со кого ќе се сретнат денес Ковачевски и Османи во Софија?

Владата ја објави денешната агенда на Премиерот Ковачевски, министерот за надворешни работи, Бујар Османи и останатиот владин состав. "Вечерва заврши...

More Articles Like This