Владимир Путин им порача на Русите дека ќе дојде време кога ќе го именува својот можен наследник во Кремљ, но посочи дека гласачите ќе одлучат за тоа.
Шеесет и осумгодишниот Путин е на власт, како претседател или премиер, од почетокот на милениумот. Актуелниот мандат на Путин завршува во 2024 година, а неговите изјави внимателно се следат за можни индикации дали планира да го продолжи своето владеење.
Минатата година Русија го смени Уставот, а промената му овозможи на Путин да биде претседател за уште два шест години, т.е. потенцијално до 2036 година. Парламентарните избори се одржуваат во септември оваа година, а властите ги забранија организациите на затворениот критичар на Кремљ, Алексеј Навални.
„Ќе дојде време кога, се надевам, ќе можам да кажам дека таа и таа личност заслужува, според мое мислење, да биде водач на една толку убава земја како Русија, нашата татковина“, рече Путин, одговарајќи на прашања од граѓаните на руската државна телевизија.
