ВМРО-ДПМНЕ:Република Македонија во 21 век ја живее новата инквизиција,целиот правосуден систем е ставен во погон за монтирање случаи за пресметка со политички неистомисленици

Поврзано

- Advertisement -
- Advertisement -

Во интерес на демократијата и владеењето на правото, судовите не треба да бидат соизвршители на политички монтираниот случај за тероризам против десетици граѓани во врска со настаните од 27-ми април, се наведува во денешното соопштение на ВМРО-ДПМНЕ.

Од партијата додаваат дека судската власт треба да биде гарант на законитоста во кривичните постапки, а не алатка во процесот на политичка пресметка.

-Апсурдноста на делото кои им се става на товар на десетици македонски патриоти е вон секоја правна логика. Целиот процес е конструкција и не и служи на правдата, туку на политиката. Судот како орган кој ја донесува одлуката, не смее да остане нем на прекршувањата во постапката кои ги нотираше Народниот правобранител. Судот не смее да ги занемари ни фактите дека притворените се лишени од основните права кои им се гарантираат со закон, како што неколкукратно информираа медиумите, стои во соопштението.

Притворот, велат од ВМРО-ДПМНЕ, се користи како средство за притисок и казна, а целиот правосуден систем е ставен во погон за монтирање случаи за пресметка со политички неистомисленици.

Во партиското соопштение се наведува дека македонските граѓани се лишени од основните човекови права.

-Република Македонија во 21 век ја живее новата инквизиција. Декларативните заложби на власта за демократизација и владеење на правото, се само празни флоскули, кои го затскриваат кршењето на законите, Уставот и меѓународните конвенции. Република Македонија нема да тргне ни чекор кон ЕУ и НАТО се додека институциите се користат за пресметка со политичкиот противник. Институциите мора да станат чувар на законитоста и стожер на државата. Практиката на злоупотреба на институциите мора да запре во интерес на државата и нејзината иднина. Демократијата и правната држава се право на граѓаните и тоа право не смее да им биде скратено. Невините и неправедно притворени мора да бидат ослободени, стои во соопштението на ВМРО-ДПМНЕ.

3 КОМЕНТАРИ

Latest News

Богата агенда:Со кого ќе се сретнат денес Ковачевски и Османи во Софија?

Владата ја објави денешната агенда на Премиерот Ковачевски, министерот за надворешни работи, Бујар Османи и останатиот владин состав. "Вечерва заврши...

More Articles Like This