ВМРО-ДПМНЕ НЕМА ДА КАПИТУЛИРА: СДСМ води егзибиционистичка политика во спорот со името, капитулираа пред грчките барања!

Поврзано

- Advertisement -
- Advertisement -

Во гостувањето во Дневникот на Сител Телевизија, претседателот на ВМРО-ДПМНЕ, Христијан Мицкоски се осврна и на преговорите околу името на Република Македонија. Тој кажа дека доколку ние се водиме според барањата на другата страна во преговорите, ние сме подготвени да капитулираме во преговорите.

-Преговори се водат за да се најде некое симетрично решение внатре во рамката на тие преговори, ако ние црвената линија ја прифаќаме како конечна позиција, тогаш зошто да имаме преговори, тогаш нема потреба ние да преговараме. Прашањето треба да се постави спротивно, односно кој не доведе до една таква ситуација, да сега се обидуваме да направиме една општествена депресија во јавноста во Македонија, дека ова е тоа или не може ништо друго да се случи во меѓувреме, изјави Мицкоски.

Мицкоски потенцираше дека тоа значи дека некој треба да сноси одговорност за тоа што ја донел Македонија во една ваква позиција, да мора државата сега да презентира една ваква крајна позиција на спротивната страна, како единствено можно прифатливо решение.

-Да сумирам, комплетно погрешно воден процес на преговори, комплетно погрешна методологија беше применувана и комплетно погрешни луѓе го водеа целокупниот процес. Бидејќи како што кажав од една страна имаме политичар кој целокупното свое политичко битисување го темели на лага, и сега ќе се обидеме таа шарена лага на граѓаните да им ја претставиме како еден последен и конечен ултиматум на спротивната страна во овие преговори, изјави Мицкоски.

Мицкоски потенцираше дека за жал нема назад, дека од оваа што Владата и го направи на Македонија во преговорите нема назад, дека тоа е најлошата порака која тие ја упатиле од овие преговори.

-Се егзибиционизам вака есенцијални прашања не се решаваат, треба сериозни луѓе, за сериозни прашања, изјави Мицкоски.

Мицкоски го потврди уште еднаш ставот на ВМРО-ДПМНЕ, дека нема да биде дозволена промена на Устав со цел промена на уставно име.

Latest News

Богата агенда:Со кого ќе се сретнат денес Ковачевски и Османи во Софија?

Владата ја објави денешната агенда на Премиерот Ковачевски, министерот за надворешни работи, Бујар Османи и останатиот владин состав. "Вечерва заврши...

More Articles Like This