Најмоќната политичка партија, ВМРО-ДПМНЕ, започна со најавените освежувања и реформи кои ги најави лидерот на партијата Никола Груевски.
Со нови и амбицизни лица, меѓу кои многумина доктори, професори, граѓански активисти, ветерани и млади како нови членови на тимот на ИК, покрај постарите и искусни првоборци на партијата, ВМРО-ДПМНЕ ја потврдува заложбата ма лидерот Никола Груевски за брзо враќање на челната позиција во земјата.
Промените беа добредојдени, а членовите со нова доза на ентузијазам ги поздравија.
Досегашниот генерален секретар на партијата и технички премиер Емил Димитриев пак, со искрена честитка на Фејсбук докажа и дека партијата никогаш претходно не била посплотена и поединствена во намерата да се победи наметнатиот режим.
,,Честитам за изборот на новиот Извршен комитет и Генерален секретар на ВМРО ДПМНЕ. Беше огромна чест и задоволство да се биде Генерален секретар на ВМРО. Да се соработува со сите членови на партијата од сите ОК и во дијаспората. Кои се дел од преку 200 оддржани состаноци на Општински комитети и преку 400 состаноци на Месни комитети, секојдневна комуникација, координирање и тн. Како дел од новиот ИК ја продолжувам мојата долгогодишна партиска активност. Вечна да е МАКЕДОНИЈА и ВМРО ДПМНЕ…,,
