На градоначалникот на Центар, Аднреј Жерновски очигледно ништо не може да му го расипе зимувањето во елитните хотели и рекреативни центри во Бугарија, ниту комуналните проблеми на Општина Центар, ниту проблемите со неисчистениот снег на улиците под надлежност на неговата општина, обвинија вчера советниците на ВМРО-ДПМНЕ од Центар.
-Дојди врати се во својата Општина, тука има доволно снег да се скијаш на улица, или да се лизгаш на мраз. Ако ти е до ски скокалници отиди во повисоките делови од Општина Центар, таму има колку што ти душа сака, му порачаа советниците на Жерновски.
Тие нагласија дека доколку Општина Центар и мрзливиот Жерновски не трошеа залудно пари на тамбураши и диџеи ќе ги исчистеа улиците и немаше да го претворат одењето низ Центар во екстремен спорт.