Најмалку 60 лица се убиени во бунтот во затвор во бразилскиот град Манаус, во амазонската џунгла, соопштија локалните власти.
– Тоа е најголемиот масакр, извршен во затвор во регионот – изјави на прес-конференција началникот на силите за јавна безбедност на сојузната држава Амазонас.
Бунтот избувнал вчера вечерта како последица на судир меѓу затвореници од две завојувани нарко банди, локалната и од Сао Паоло и беше задушен денеска изутрината.
Портпаролот на канцеларијата на локалниот гувернер изјави дека непознат број затвореници успеале да избегаат користејќи го хаос, кој настанал како последица на бунтот.
Меѓународните групи за заштита на човековите права остро го критикуваат Бразил поради неговиот затворски систем, кој се карактеризира со пренаселеност на затворите и честите бунтови.
