Советот за безбедност на Обединетите нации (СБОН) денес ќе одржи вонредна седница на која ќе бидат разгледани актуелните тензии помеѓу Русија и Украина.
Американската амбасадорка во ОН, Ники Хејли, потврди дека седницата ќе се одржи во 11 часот по локално време.
Вонредната седница на Советот за безбедност на ОН е свикана по вчерашниот руски напад на бродовите на Украинската морнарица во Азовското Море.
Украинската морнарица соопшти дека во рускиот напад на три украински брода кај Крим се повредени најмалку два члена на екипажот и оштетени се два брода. Се наведува и дека руската Крајбрежна стража ги запленила украинските бродови.
Од друга страна, Руската морнарица ја потврди веста за нападот и соопшти дека до него дошло откако украинските бродови одбиле да сопрат на границата.
