Властите во Америка донеле одлука за затворање на главните сообраќајници кои ги поврзуваат Лас Вегас, Лос Анџелес и Феникс за што побрзо да го исчистат снегот кој паднал во тоа подрачје.
Иако невообичаено за југозападот на САД, во Лас Вегас и Лос Анџелес паднал снег. Снежните врнежи биле забележани и претходно оваа недела, а тогаш било најавено дека кон средината на неделата се можни и нови врнежи. Во Невада, снежната бура донела тенка снежна покривка, па посетителите пред познатиот знак „Добродојдовте во Лас Вегас” направиле Снешко.
Националната метеоролошка служба на САД објавила дека е забележана првата позначајна количина на снег во последните десет години на аеродромот во Вегас, а таа количина изнесува 2 центиметри.
Снегот предизвикал потешкотии како во копнениот, така и во воздушниот сообраќај.
“Ние немаме машини за чистење снег”, изјавила портпаролката на аеродромот Кристина Кревс која додала дека морале да се откажат и пренасочат над 100 летови, сѐ поради снегот.
Снегот прекрил и големи делови на пустината покрај Лос Анџелес. Пожарникарите во округот објавиле видео од снегот кој паѓа на планината Санта Моника над Малибу.
The snow level has reached Grapevine Road nearly at the base of the Grapevine! Feel free to share your own videos and photos from today's snowstorms and tag us! pic.twitter.com/Tt547nGE99
— Caltrans District 6 (@CaltransDist6) February 21, 2019