Општина Карпош ја асфалтира улицата „Езерци“ во должина од 180 метри, а во вредност од околу еден милион денари. Фирмата-изведувач е „Ескаватори МК“ Скопје.
Градоначалникот на општина Карпош Стевчо Јакимовски изјави дека во урбаната заедница „Влае 1“ се врши реконструкција на пет улици со вкупна вредност од околу пет милиони денари.
– Во изминатиот период беа реконструирани улиците „Гари“, „Блаже Биринчето “ и „Франц Месеснел“, а подготвителни работи се вршат на улиците „Ринхини“ и „Франц Розман“ кои во скоро време ќе бидат асфалтирани. Во моментов се реконструира улицата „Езерци“, рече Јакимовски. Додаде дека извршена е подземна реконстукција на инсталации и поставени се нови канделабри.
Јакимовски појасни дека во урбаната заедница „Влае 1“ остануваат уште две улици, а должината на коловозите досега е 900 метри. Во рок од десетина дена се очекува завршување на реконструкција на улиците во урбаната заедница „Влае 1“.
