Фасцинацијата на министерот за финансии Драган Тевдовски со Данска, по која доби и надимак, може да е дел од проблемот со се полошите параметри во економијата смета екс-помошник министерот во МВР и аналитичар Наталија Ивчева
Според Ивчева, позади розевите приказни кои се кажуваат за економскиот ситем на Данска, се кријат и податоци кои и не се така популарни, а кои можеме да ги почувствуваме и на сопствена кожа по поставувањето на Тевдовски за министер за финансии.
„ Што се однесува до катастрофалната економска ситуација во Македонија, сетете се дека министерот за финансии е фасциниран од системот во Данска.
Оттука, не можете да очекувате и поволна економска ситуација за граѓаните.
Зошто?
Настрана од популарното верување дека во Данска се е перфектно, економијата цвета и граѓаните се презадоволни, никој не кажува каква е на пример даночната политика.
Еве неколку примери:
Во Данска има систем на бесплатно здравство и високо образование, но имаат и еден од највисоките даноци во светот.
Земаат плата од 25 на час, но државата зема најголем дел од приходите на граѓаните.
Данска е најсреќна земја на светот, но по чии мерења?
И малку бројки.
Данокот во Данска за луѓе кои заработуваат повеќе од 55.000 евра годишно е 60%.
Електричната енергија е меѓу најскапите во светот, со цел да се „поттикне“ намалена потрошувачка.
Нафтените деривати и горивата се три пати поскапи од Европскиот просек.
Плаќаат околу 180% од вредноста на автомобилот кој го регистрираат. (ако се чудевте зошто масовно се возат велосипеди)
Оттука, и Тевдовски, понесен од примерите во Данска, ги воведува истите трошоци како во нордискиот „рај“, но приходите се сѐ помали.“ – пишува Ивчева на својот ФБ профил.