Францускиот претседател Емануел Макрон вечерва ќе го посети предградието на Париз, Конфлан Сент-Онорин, каде беше обезглавен наставник од родител на ученик. Напаѓачот за време на нападот извикувал „Алах Акбар“ („Бог е голем“).
Макрон ќе замине во предградието северозападно од францускиот главен град по итниот состанок во Министерството за внатрешни работи.
Жртвата, како што објавија француските медиуми, е наставник по историја во средно училиште на колеџот и гимназија „Буа Д’Олн“. Тој неодамна им покажувал на своите ученици карикатури на Мухамед за време на час по слободен говор.
Истрагата која е отворена се води за „напад во врска со терористички потфат“ и „злосторничко терористичко здружување“. Таа е во надлежност на антитерористичките сили на полицијата и Генералната дирекција за внатрешна безбедност (ДГСИ).
Француската полиција го застрела и тешко го повреди напаѓачот.
Во твит, министерот за образование на Франција Жан-Мишел Блангуер го опшиша убиството на наставникот како напад врз Француската Република.
„Нашето единство и одлучност се единствениот одговор на ваквото ѕверство на Исламскиот тероризам“ – напиша тој.
Professeur décapité: l’Assemblée nationale debout pour dénoncer un “abominable attentat”. Un hommage lui sera rendu mardi prochain pendant les #QAG#PLF2021 #DirectAN pic.twitter.com/EPMdGEPPVh
— LCP (@LCP) October 16, 2020
