Денес со почеток во 18.00 часот започнува најавениот протест во организација на повеќе организации, под покровителство на Македонската дијаспора од каде најавија дека во голем број ќе бидат присутни на денешните протести
Како организатори на протестите се Светскиот Македонски Конгрес – СМК, Македонски Обединети Сили – МОС, Семакедонската Унија – СМУ, низа на патриотски и граѓански организации од земјава и дијаспората.
На протестот ќе учествува и владиката Агатангел, за кого е најавено и се очекува да ги предводи протестите.
Протестот кој треба да се одржи пред канцеларијата на ЕУ во Скопје го поддржаа и од партијата ГРОМ, со објаснување дека и тие се против владините политики, особено во делот на надворешната политка и тргувањето со името.
Протестот ќе се одржи пред ЕУ инфо центарот во Скопје, а демонстрантите ќе маршираат до Собранието на Р.Македонија, со цел искажување на незадовослство поради договорот за добрососедство со Бугарија, воведувањето на двојазичнст и намерата за промена на уставното име на земјата.
Следете во живо:
