Со присуство на медиумите започна средбата помеѓу претседателот на Србија, Александар Вучиќ и претставниците на Србите во Косово и Метохија.
Вучиќ рече дека е подготвен да ги слуша Србите, и дека на крајот ќе одговори на се што имаат да кажат.
Тој посочи дека сака да се обиде да постигне договор што да прави во следниот период.
Тој го праша раководството на Српската листа, која побара присуство на медиумите, дали се присутни сите медиуми.
„Ќе ве слушам колку што е потребно, ќе одговорам на се“, рече Вучиќ.
Горан Ракиќ, шефот на Српската листа, рече дека побарал медиумите да бидат присутни, сите опозициски и провладини, за да ја слушнат вистината, да слушнат од луѓето што беа нападнати утрово и од оние што беа застрелани.
„Не можам да го разберам пукањето на луѓе со голи раце“, истакна Ракиќ.
Претставниците на Српската листа рекоа дека ситуацијата на Косово и Метохија повеќе не може да се издржи и побараа помош од државниот врв.
Видеото погледнете го тука.
