По четиричасовно убедување, њујоршката полиција успеала да отстрани жена која се качила на Статуата на слободата во знак на протест, на државниот празник – Ден на независноста на САД.
Таа се качила и одела по самиот раб на статуата, по што седнала. Поради инцидентот, бил забранет пристапот до статуата. Во акцијата, двајца полицајци успеале да стигнат до жената, а на телевизиска снимка од хеликоптер може да се види како таа се движи по самиот раб.
Претходно, неколку луѓе пред статуата развиле транспарент со барање за укинување на Агенцијата за миграција и царина, по што биле уапсени. Тие рекле дека не било предвидено жената да се качи на статуата на слободата во знак на протестот.