Во текот на денешниот ден повеќето медиуми поддржани од СДСМ, а финансирани од фондовите на Сорос и УСАИД лажно ја информираа јавноста, намерно предизвкувајќи тензии во врска со уапсен поткупувач на гласови во Теарце, кој наводно давал по 100 евра за граѓаните да не излезат на утрешното гласање
Информацијата први ја соопштија од невладината организација „Цивил“ на Џабир Дерала, а подоцна и објавија дека е „потврдена“ дополнително манипулирајќи со чувствителни информации, но и лажирајќи службена потврда од надлежните органи.
Во телефонски разговор, портпаролот на СВР Тетово Марјан Јосифовски за iNFOMAX.mk ја демантираше оваа информација, и потврди дека никој не бил уапсен.
– Денес попладне околу 18 часот, лице од Теарце до СВР Тетово пријавило поткуп при избори и гласање. Службите на СВР Тетово веднаш реагираа, преземени се повеќе адекватни мерки и активности, непосредно разговарано е со пријавителот и притоа е утврдено дека нема елементи на пријавеното кривично дело, а за што се остварени консултации и координација со ОЈО Тетово – изјави за iNFOMAX.mk портпаролот на СВР Тетово Марјан Јосифовски.
Како и досега, се работи за уште еден, нов обид на соросоидно-медиумската мрежа поддржана од СДСМ за креирање на алиби во очи на прегласувањето закажано за 25 Декември.