Постои реална можност Унгарија да има повеќе од 2 милиони луѓе вакцинирани до почетокот на април и сите оние над 60-годишна возраст кои аплицирале за вакцината да бидат вакцинирани, денес изјави пред пратениците унгарскиот премиер Виктор Орбан.
До крајот на мај, Унгарија може да има 3,5 милиони повеќе луѓе вакцинирани против ковид-19 отколку земјите од Европската унија со слична големина, кои користат само вакцини набавени од Запад,
На Унгарија и се потребни сите видови вакцини, како инструмент што може да спаси животи и работни места во сегашната ситуација предизвикана од пандемијата, посочи тој.
Сепак Орбан предупреди дека битката против коронавирусот не е завршена. Падот на случаите со вирус на корона во Унгарија е стопиран, рече унгарскиот премиер, повикувајќи се на експертски проекции за можно повторно појавување на случаи поради полесното ширење на мутантни варијанти на вирусот.
