Времето во Република Македонија ќе биде претежно сончево со слаб ветер од југоисточен правец.
Утринската температура ќе се движи од минус два до шест, а дневната од 19 до 26 степени.
Во Скопје сончево со слаб југоисточен ветер. Утринската температура ќе се спушти до три, а дневната ќе се искачи до 23 степени.
Во среда облачноста ќе се зголемува. Промена на временската состојба со значително опаѓање на дневната температура ќе има во четврток и во наредните денови, кога ќе преовладува претежно облачно и постудено време со врнежи од дожд.
В петок, на првиот ноемвриски ден, максималната температура треба да достигне до 16 степени, за десет пониско од денешната, а се очекува облачно време со дожд. В сабота се очекува претежно облачно време со повремени врнежи од дожд, а максималната температура да биде во покачување – до 18 степени.